Sidik Kisəsində TUR Əməliyyatı (Transuretral Rezeksiya)
Qanaxmasız, kəsiksiz və effektiv endoskopik müalicə üsulu
Sidik kisəsinin TUR (Transuretral Rezeksiya) əməliyyatı — sidik kisəsi daxilində aşkarlanan şiş, polip və digər patoloji toxumaların sidik kanalından keçən xüsusi optik cihaz vasitəsilə çıxarılması ilə həyata keçirilən minimal invaziv cərrahi prosedurdur. Bu üsul açıq əməliyyata alternativ olaraq daha təhlükəsiz, az travmatik və daha qısa sağalma müddəti ilə seçilir.
Sidik kisəsinin ən çox rast gəlinən patologiyalarından biri — erkən mərhələli şişlər və ya yaxşı xassəli törəmələr bu üsulla həm diaqnostika, həm də müalicə məqsədilə aradan qaldırıla bilir.
Əməliyyatın Gedişi
Sidik kisəsində TUR əməliyyatı adətən spinal və ya ümumi anesteziya altında aparılır. Sidik kanalından rezektoskopadlı xüsusi cihaz daxil edilir və kamera vasitəsilə kisə daxili görüntü alınır.
Törəmə və ya şiş toxuması elektrocərrahi dövrə ilə qatda-qatda kəsilərək çıxarılır. Proses zamanı qanın laxtalanması və damarların bağlanması (koaqulyasiya) da eyni anda aparıldığından qan itirmə riski minimuma enir.
Əməliyyat zamanı çıxarılan toxumalar histoloji (patoloji) analiz üçün laboratoriyaya göndərilir. Bu, törəmənin yaxşı və ya bədxassəli olmasının müəyyən edilməsində əvəzolunmaz rol oynayır.
Əməliyyatdan sonra sidik kisəsinə kateter yerləşdirilir, kisənin yuyulması və sidik axınının nəzarətdə saxlanması təmin olunur. Kateter adətən 1–2 gün saxlanılır.
Sidik Kisəsi TUR Əməliyyatı Aşağıdakı Hallarda Tətbiq Olunur:
Sidik kisəsində yaxşı və ya bədxassəli şişlərin aşkarlanması
Polip və ya hiperplastik toxumaların çıxarılması
Qanlı sidik (hematuriya) səbəblərinin araşdırılması və müalicəsi
İnkişaf etmiş papillomalar və residiv törəmələr
Biopsiya məqsədilə toxumanın götürülməsi
Əməliyyatdan Sonra Nələr Gözlənilir?
TUR əməliyyatı sonrası pasiyent adətən 1–2 gün ərzində xəstəxanada müşahidə altında qalır. İlk günlərdə aşağıdakı hallarla qarşılaşmaq mümkündür:
Sidikdə yüngül qan izləri
Tez-tez sidiyə çıxma ehtiyacı
Sidik ifrazı zamanı yüngül yanma hissi
Bu hallar müvəqqəti xarakter daşıyır və qısa müddət ərzində aradan qalxır. Pasiyentlərə sidik yolları infeksiyasının qarşısını almaq üçün antibiotik profilaktikası və maye qəbulunun artırılması tövsiyə olunur.
Əgər histoloji nəticə bədxassəli törəmə ilə əlaqəli çıxarsa, onkoloji yönümlü əlavə müalicə mərhələləri (məsələn, intravezikal BCG instillasiyası) planlaşdırıla bilər.
Bonum Medical Klinikası Üstünlükləri
Bonum Medical klinikasında sidik kisəsi TUR əməliyyatı müasir texnologiyalar və yüksək ixtisaslı uroloqlartərəfindən aşağıdakı üstünlüklərlə icra olunur:
Kəsiksiz və minimal invaziv yanaşma ilə qan itirmə və infeksiya riski azaldılır
Ən son nəsil rezektoskop və görüntüləmə sistemləri ilə yüksək dəqiqlik təmin olunur
Histoloji analizlər üçün toxumaların təhlükəsiz şəkildə götürülməsi
Müasir anesteziya şəraiti və tam steril əməliyyatxana
Qısa müddətdə sağalma və tez sosial həyata dönüş