Gözdaxili iynə (intravitreal inyeksiya) - Avastin
Gözdaxili iynə (intravitreal inyeksiya) – Retina xəstəliklərinin müasir müalicəsi
Gözdaxili iynə (intravitreal inyeksiya) – retina və görmə siniri xəstəliklərinin müalicəsində istifadə edilən müasir, minimal invaziv bir prosedurdur. Bu prosedur zamanı xüsusi müalicəvi preparatlar – əsasən anti-VEGF qrupuna aid dərmanlar, birbaşa gözün içərisinə (şüşəvari cismin daxilinə) yeridilir. Məqsəd damar patologiyalarını aradan qaldırmaq, tor qişada sızma, ödem və yeni patoloji damarların əmələ gəlməsinin qarşısını almaqdır.
Bonum Medical-da bu prosedur steril əməliyyatxana şəraitində, yüksək dəqiqlikli mikroskopik nəzarət altında, təcrübəli oftalmocərrahlar tərəfindən icra olunur.
Avastin nədir və necə təsir edir?
Avastin (bevacizumab) – antivaskulyar endotelyal böyümə faktoru (anti-VEGF) əleyhinə olan dərman preparatıdır. Gözün tor qişasında anormal damarların inkişafını, qanama və ödemi bloklayaraq görmənin qorunmasına və bəzən bərpasına şərait yaradır.
Avastin inyeksiyası hansı hallarda tətbiq olunur?
- Diabetik retinopatiya və makulopatiya
- Yaşa bağlı makula degenerasiyası (YBMD)
-Retinal venaların trombozu və onunla bağlı makula ödemi
- Növ dəyişmiş neovaskulyar qlaukoma
- Patoloji miyopiyada tor qişa dəyişiklikləri
-Damar mənşəli digər retinal ödemlər və qanamalar
Bonum Medical-da prosedur necə aparılır?
Pasiyentin gözləri xüsusi damcılarla sterilizə olunur və yerli anesteziya tətbiq edilir. Göz steril şəraitdə hazırlanır və iynə çox nazik şpris vasitəsilə şüşəvari cismə yeridilir.
Prosedur ağrısız, təhlükəsiz və cəmi 1-2 dəqiqə davam edir. Əməliyyatdan sonra göz qoruyucu örtüklə bağlanır və pasiyent bir neçə saat ərzində müşahidədə saxlanılır. Sonrakı izləmə üçün müntəzəm OCT və görmə testləri ilə monitorinq aparılır
Avastin inyeksiyasının üstünlükləri:
Görmənin pozulmasının qarşısının alınması və bəzən tam bərpası
Tor qişada qanama, ödem və neovaskulyarlaşmanın qarşısının alınması
Minimal invaziv və çox sürətli prosedur
Təhlükəsiz və təkrarlana bilən müalicə metodu
Digər müalicələrə cavab verməyən hallarda effektiv alternativ
Bonum Medical niyə seçilməlidir?
- Retina patologiyalarının müalicəsində ixtisaslaşmış oftalmocərrahlar
- Yüksək dəqiqlikli cihazlar (OCT, fundus kamera, mikroskopiya) ilə dəqiq izləmə
-Prosedurun tam steril və təhlükəsiz şəkildə icrası
- Müntəzəm izləmə və pasiyentə yönəlmiş fərdi müalicə planları
Tor qişa xəstəlikləri çox vaxt sakit və gizli şəkildə irəliləyir, görmə itkisi başladıqdan sonra isə bərpası çətinləşir.
Avastin inyeksiyası ilə görmənizi qorumaq üçün vaxtında müdaxilə çox vacibdir.
Bonum Medical – Retina xəstəliklərinin dəqiq diaqnozu və müasir müalicə mərkəzi!