Kriptorxizm (Xayanın yerinə enməməsi)

Kriptorxizm, yenidoğulmuş və ya uşaq yaş dövründə müşahidə edilən ən çox yayılmış uroloji problemlərdən biridir. Bu vəziyyət zamanı bir və ya hər iki xaya normal eniş yolunu izləməyərək xaya kisəsinə enmir və qarın boşluğunda, qasıq kanalında və ya qeyri-adi bir yerdə qalır. Uşaq cərrahiyyəsində və urologiyada erkən diaqnoz və müalicə bu hallarda olduqca vacibdir.

Kriptorxizm adətən doğuşdan sonra aparılan fiziki müayinədə xaya kisəsinin boş olması ilə təyin olunur. Bəzən xaya əl ilə qasıq kanalında və ya qarın daxilində hiss edilə bilər, lakin bəzən gizli (palpasiya olunmayan) kriptorxizm halları üçün ultrasəs, doppler, tomoqrafiya, və laparoskopiya kimi diaqnostik üsullara ehtiyac yaranır.

Kriptorxizmin təhlükələri

Xayanın normal anatomik yerində yerləşməməsi gələcəkdə bir sıra problemlərə yol aça bilər:

• İnfertillik (sonsuzluq) riski artır;

• Xaya bükülməsi (torsion) ehtimalı yüksəkdir;

• Zədələnmə və travma riski artır;

• Xaya xərçəngi riski normal yerləşmiş xayaya nisbətən daha yüksəkdir;

• Psixoloji narahatlıqlar və bədən görünüşü ilə bağlı problemlər yarana bilər.

Klinikamızda kriptorxizm müalicəsi uğurla və tam peşəkar şəkildə həyata keçirilir. Diaqnostik mərhələdə ultrasəs müayinəsi, doppler görüntüləmə, endoskopik qiymətləndirmə vasitələri ilə xayanın yerləşməsi və vəziyyəti dəqiq təyin olunur. Xəstənin yaşı və xayanın mövqeyinə əsasən əməliyyatlı və ya izləmə əsaslı müalicə planı hazırlanır.

Əgər xaya 6-12 ay arasında hələ də yerinə enməyibsə, orxiopeksiya əməliyyatı tövsiyə olunur. Bu əməliyyat ümumi anesteziya altında aparılır və xaya aşağı salınaraq xaya kisəsində sabitlənir. Əməliyyat minimal invaziv üsullarlaicra olunduğundan, sağalma dövrü qısadır və pasiyent qısa müddətdə normal fəaliyyətinə qayıda bilir.

Kriptorxizm kimi incə cərrahi yanaşma və yüksək diqqət tələb edən halların müalicəsində doğru mərkəzin seçimi gələcək sağlamlıq baxımından son dərəcə vacibdir. Bonum Medical klinikasında bu kimi əməliyyatlar müasir tibbi standartlara cavab verən tam steril əməliyyatxana şəraitində, endoskopik və optik sistemlərlə təchiz olunmuş avadanlıqlar vasitəsilə icra edilir. Peşəkar həkim heyətimiz illərin təcrübəsinə əsaslanaraq, hər bir pasiyentin yaşına və klinik vəziyyətinə uyğun fərdi yanaşma tətbiq edir. Xüsusilə uşaq yaşlı pasiyentlər üçün təhlükəsiz, stresssiz və komfortlu mühit yaradılır. Müayinə və müalicə mərhələlərində valideynlərə hər addım ətraflı və anlaşılan şəkildə izah olunur. Qürurla qeyd edə bilərik ki, bölgədə bu cür spesifik və incə əməliyyatları təqdim edən nadir tibbi mərkəzlərdən biri olaraq, valideynləri və uşaqları pasiyent səyahətində uzun məsafələr qət etməkdən azad edir və yüksək keyfiyyətli tibbi xidmətə əlçatanlıq yaradırıq.

Varikosel

Varikosel – xaya (testis) damarlarının genişlənməsi ilə xarakterizə olunan və kişilərdə sonsuzluğun ən çox rast gəlinən səbəblərindən biri olan bir xəstəlikdir. Bu vəziyyət, xayalıq daxilindəki vena damarlarının qapqac sistemindəki zəiflikvə ya qan axınının düzgün tənzimlənməməsi nəticəsində baş verir. Adətən sol xayada daha çox rast gəlinir, lakin ikitərəfli və ya sağ tərəfli hallara da təsadüf edilə bilər.

Varikoselin bəzi hallarda heç bir əlaməti olmur və yalnız sonsuzluq müayinəsi zamanı aşkarlanır. Lakin aşağıdakı simptomlar müşahidə oluna bilər:

• Xaya nahiyəsində ağırlıq və ya sızıltılı ağrı

• Xüsusilə günün sonunda və ya uzun müddət ayaqüstə qalmaqdan sonra ağrının artması

• Xaya ölçüsündə azalma və ya qeyri-bərabərlik

• Sonsuzluq (ilk və ya ikincili)

Diaqnostika:

Bonum Medical klinikasında varikosel diaqnostikası yüksək dəqiqlikli rəqəmsal ultrasəs və Doppler müayinəsi ilə aparılır. Müasir görüntüləmə texnologiyası damar genişlənmələrinin ölçüsünü, qan axınının sürətini və dərəcəsini müəyyən etməyə imkan verir. Eyni zamanda pasiyentin klinik vəziyyəti də nəzərə alınaraq spermoqram analizləri ilə bərabər müayinələr tamamlanır.

Müalicə üsulları:

Müalicə yanaşması pasiyentin şikayətlərindən, yaşından və reproduktiv planlarından asılı olaraq müəyyən edilir. Klinikamızda hər iki müalicə variantı – konservativ və cərrahi üsullar tətbiq olunur:

1. Konservativ (dərman) müalicə – yüngül simptomlar və ya az dərəcəli damar genişlənməsi olan hallarda istifadə olunur. Məqsəd qan dövranını yaxşılaşdırmaq və iltihabi proseslərin qarşısını almaqdır.

2. Cərrahi müalicə (Varikoselektomiya) – Bonum Medical klinikasında bu əməliyyat müasir endoskopik və mikrocərrahi üsullar ilə, tam steril və komfortlu əməliyyatxana şəraitində icra olunur.

Əməliyyatdan sonra nə gözlənilir?

• Əməliyyat günü və ya ertəsi gün pasiyent ambulator şəkildə evə buraxılır

• 1 həftə ərzində fiziki yükdən uzaq qalmaq tövsiyə edilir

• Tam sağalma və sperma keyfiyyətində artım 3-6 ay ərzində izlənir

• Əməliyyat mikroinvaziv olduğundan iz qoymur və tez sağalma ilə müşayiət olunur

Bonum Medical klinikası bölgədə varikosel əməliyyatlarını müasir üsullarla icra edən qabaqcıl uroloji mərkəzlərdən biridir. Klinikamızın təcrübəli uroloqları tərəfindən hər bir pasiyent fərdi yanaşma ilə qiymətləndirilir və müasir müalicə protokolları tətbiq olunur. Ən əsası isə – pasiyentlər artıq bu tip yüksək keyfiyyətli müalicə üçün başqa şəhərlərə getməyə ehtiyac duymurlar.

Qasıq Yırtığı

Qasıq yırtığı (ing. inguinal hernia) qarın boşluğundakı orqan və ya toxumaların qasıq kanalından və ya zəifləmiş sahədən dəri altına çıxması ilə xarakterizə olunan, geniş yayılmış cərrahi patologiyadır. Yırtıq adətən xarici qabarıqlıq, narahatlıq və ya ağrı ilə özünü büruzə verir. Bu vəziyyət istər gündəlik həyat keyfiyyətinə mənfi təsir göstərir, istərsə də ağırlaşma riski daşıyır.

Əlamətlər:

• Qasıq nahiyəsində görünən və ya hiss edilən şişlik

• Fiziki aktivlik zamanı (öskürək, əyilmək, ağır yük qaldırmaq) şişkinliyin artması

• Oturarkən və ya uzanarkən şişkinliyin itməsi

• Qasıq və alt qarında ağırlıq hissi və ağrı

• Qadınlarda nadir hallarda cinsi orqanların və qasıq bağlarının yaxınlığında ağrı

Qasıq yırtığı müxtəlif səbəblərdən yarana bilər:

• Qarın divarının doğuşdan zəif olması

• Fiziki güc tətbiqi, tez-tez öskürək, xroniki qəbizlik

• Hamiləlik və doğuş

• Keçirilmiş cərrahi əməliyyatlardan sonra yaranan zəiflik

Diaqnostika:

Bonum Medical klinikasında yırtığın diaqnostikası təcrübəli cərrah və uroloq-mütəxəssislər tərəfindən aparılır. Fiziki müayinə ilə yanaşı ultrasəs və ya digər görüntüləmə üsulları ilə yırtığın dərəcəsi, ölçüsü və potensial riskləri qiymətləndirilir.

Müalicə:

Qasıq yırtığı yalnız cərrahi müdaxilə ilə aradan qaldırıla bilər. Bonum Medical-da bu əməliyyat aşağı invazivlikli və yüksək texnoloji dəstəklə , ümumi və ya lokal anesteziya altında, təcrübəli cərrahlarımız tərəfindən həyata keçirilir. Əməliyyat sonrası xəstə çox zaman eyni gün və ya ertəsi gün evə buraxılır.

Əməliyyatdan sonra:

• Xəstəlik təkrar etməməsi üçün pasiyentə fərdi həyat rejimi və fiziki məhdudiyyətlər barədə tövsiyələr verilir

• 5–7 gün ərzində istirahət və yüngül qidalanma rejimi tövsiyə olunur

• 1 ay ərzində ağır fiziki fəaliyyətlər məhdudlaşdırılır

• Tikişlər kosmetik olur və estetik narahatlıq yaratmır

Bonum Medical klinikasında qasıq yırtığının müalicəsi ən müasir cərrahi protokollar əsasında, steril əməliyyatxana şəraitində, təcrübəli həkim komandası tərəfindən həyata keçirilir. Ən əsası, bölgədə bu səviyyədə kompleks təminatlı cərrahi xidmətlərə sahib nadir klinikalardan biri olaraq, Bonum Medical pasiyentlərini uzaq məsafəyə getmədən tam müalicə ilə təmin edir.

Sünnət əməliyyatı

Sünnət əməliyyatı (xüsusi terminlə "sirkumsiziya") kişi cinsiyyət orqanının uc hissəsini örtən dəri qatı — prepusiumun cərrahi yolla çıxarılması prosedurudur. Bu əməliyyat həm dini və mədəni səbəblərlə, həm də tibbi göstərişlər əsasında icra oluna bilər. Kliniki praktikada fimoz (prepusiumun açılmaması), təkrar sidik yolu infeksiyaları, balanopostit (baş və dərinin iltihabı) və gigiyenik çətinliklər sünnət üçün tibbi əsaslar arasında yer alır.

Bonum Medical klinikasında sünnət əməliyyatı müasir cərrahi texnologiyalarla, tam steril şəraitdə, peşəkar və təcrübəli uroloq-cərrahlar tərəfindən həyata keçirilir. Əməliyyat otağımız müasir anesteziya cihazları və monitor sistemləri ilə təchiz olunmuşdur. Bu, əməliyyat zamanı uşağın həyati göstəricilərinə daimi nəzarət etməyə və prosedurun təhlükəsizliyini təmin etməyə imkan verir

Sünnət proseduru ümumi və ya lokal anesteziya altında aparıla bilər. Seçim pasiyentin yaşı, sağlamlıq vəziyyəti və valideynin razılığı əsasında həkim tərəfindən təyin olunur. Əməliyyat orta hesabla 15–30 dəqiqə davam edir və tam ağrısız şəkildə icra olunur. Ənənəvi üsulla və ya müasir elektrokoter, qrafon, plastibell kimi texnikalardan istifadə edilə bilər. Klinikamızda hər bir metod üzrə pasiyentə uyğun fərdi yanaşma tətbiq olunur.

Sünnət əməliyyatından sonra pasiyent adətən eyni gün evə buraxılır. Uşaq bir neçə saat ərzində tam ayılır və yüngül narahatlıqlar hiss edə bilər. Həkim tərəfindən təyin olunan ağrıkəsici və antiseptik vasitələr müntəzəm şəkildə istifadə olunmalıdır. Qızartı, ödem və yüngül qanaxma ilk günlər üçün normal sayılır. Tam sağalma müddəti 7–10 gün təşkil edir. Bu dövrdə gigiyenik qaydalara ciddi riayət olunmalı və istənilən narahatlıq halında dərhal həkimə müraciət edilməlidir.

Sistoqrafiya və Miksion Uroqrafiya

Sidik Kisəsi və Sidik Yollarının Vizual Qiymətləndirilməsi

Bonum Medical Klinikasında sidik kisəsi və sidik yollarının funksional və struktur vəziyyətinin dəyərləndirilməsi üçün sistoqrafiya və miksion uroqrafiya kimi müasir, qeyri-invaziv rentgenoloji müayinə metodları uğurla tətbiq olunur. Bu müayinələr sayəsində urologiya sahəsində mühüm patologiyaların erkən diaqnozu və düzgün müalicə planlaması mümkün olur.

Sistoqrafiya, sidik kisəsinin forması, ölçüsü, divar qalınlığı və daxili quruluşunu vizual olaraq qiymətləndirmək üçün tətbiq edilən rentgenoloji diaqnostik üsuldur. Müayinə zamanı sidik kisəsinə incə kateter vasitəsilə kontrast maddə yeridilir və xüsusi rentgen cihazı ilə ardıcıl görüntülər əldə olunur. Bu görüntülər vasitəsilə sidik kisəsinin çatışmazlıqları, şişlər, divar qalınlaşmaları, divertikullar, perforasiyalar və digər anomaliyalar aşkar edilə bilir.
Sistoqrafiya həmçinin təkrarlayan sidik yolları infeksiyaları, sidik saxlamada çətinlik, travmalar və əməliyyatdan sonrakı vəziyyətlərin dəyərləndirilməsində geniş istifadə olunur.

Miksion uroqrafiya isə sidik kisəsinə kontrast maddə verildikdən sonra pasiyentin sidik ifrazı zamanı görüntülərin alınması ilə həyata keçirilir. Bu üsul vasitəsilə sidik axınının real zamanlı izlənməsi mümkündür. Müayinə zamanı sidiyin normal istiqamətdə axıb-axmadığı və ya vezikoureteral refluks (sidiyin sidik kisəsindən geriyə - böyrəklərə doğru axması) kimi təhlükəli vəziyyətlərin olub-olmadığı qiymətləndirilir.

Miksion uroqrafiya, əsasən uşaqlarda təkrarlayan infeksiyaların səbəbini müəyyən etmək, sidik yollarında darlıq və anadangəlmə problemləri aşkar etmək və ya uroloji əməliyyatlardan sonra nəticələri izləmək üçün vacibdir.

Klinikamızda sistoqrafiya və miksion uroqrafiya müayinələri yüksək dəqiqlikli rəqəmsal görüntüləmə texnologiyası ilə həyata keçirilir. Bu texnologiya sayəsində görüntülər real vaxtda izlənilir, analiz edilir və sonradan müqayisə üçün təhlükəsiz şəkildə arxivləşdirilir. Müayinələr tam steril və komfortlu şəraitdə, pasiyentin rahatlığını və təhlükəsizliyini təmin edən xüsusi hazırlanmış müayinə otaqlarında aparılır. Prosedurlar klinikamızın peşəkar urologiya komandası və təcrübəli radioloqları tərəfindən icra olunur. Alınan nəticələrə əsaslanaraq pasiyentə uyğun fərdi müalicə planı hazırlanır, diaqnoz isə maksimal dəqiqliklə qoyulur. Bu müayinələr sürətli şəkildə həyata keçirilir, az narahatlıqla, təhlükəsiz və invazivlik səviyyəsi minimum olmaqla tamamlanır. Həm uşaqlarda, həm də böyüklərdə yaşa və vəziyyətə uyğun metodlar tətbiq edilir ki, bu da klinikamızın müasir tibbi yanaşmasının bir göstəricisidir.

Bonum Medical olaraq, uroloji diaqnostikanın bu incə, lakin önəmli sahəsində ən müasir cihaz parkı və yüksək ixtisaslı tibbi heyətimizlə xidmət göstəririk. Məqsədimiz – hər bir pasiyentə düzgün diaqnoz, effektiv müalicə və rahat tibbi təcrübə təqdim etməkdir.

Sistofiksin qoyulması əməliyyatı (Suprapubik Sistostomiya)

Sistofiks (sistostomiya kateteri) sidik kisəsinə qarın divarından birbaşa daxil edilərək qoyulan drenaj borusudur. Bu əməliyyat, sidik axınının təbii yollarla mümkün olmadığı və ya sidik axınının təhlükəli nəticələr doğura biləcəyihallarda tətbiq olunan müasir və təhlükəsiz uroloji müdaxilə üsuludur. Sidik kisəsinə yerləşdirilən bu sistem vasitəsilə sidik birbaşa drenaj olunur və pasiyentin həyat keyfiyyəti yüksəldilir.

Sistofiks nə zaman qoyulur?

Sistofiks qoyulması aşağıdakı hallarda tibbi göstəriş sayılır:

• Sidik axarlarında tıxanıqlıq (məsələn, prostat böyüməsi, sidik kanalı darlığı və s.)

• Travma və ya əməliyyat sonrası sidik ifrazının mümkün olmaması

• Davamlı kateterizasiya zərurəti (xüsusilə nevroloji xəstəliklərdə – paraplegiya, Parkinson, spinal travmalar və s.)

• Sidik kisəsində və sidik yollarında infeksiyaların qarşısını almaq məqsədilə uzunmüddətli kateterizasiya zamanı

• Sidik axınının izlənməsi və ya sidik nümunələrinin steril şəkildə götürülməsi

Əməliyyatın gedişi

Bonum Medical klinikasında sistofiksin qoyulması əməliyyatı tam steril əməliyyatxana şəraitində, müasir görüntü nəzarəti (ultrasəs və ya endoskopik nəzarət) altında aparılır. Əməliyyat zamanı pasiyent lokal və ya ümumi anesteziya altında olur. Sidik kisəsi ultrasonla görüntülənərək qarın divarından 2-3 sm-lik kiçik bir kəsiklə sidik kisəsinə xüsusi trokar vasitəsilə daxil olunur. Daha sonra drenaj borusu (kateter) sidik kisəsinə yerləşdirilir və qarın divarına sabitlənir.

Prosedur 10-15 dəqiqə davam edir və tam təhlükəsizdir. Əməliyyatdan sonra sidik dərhal sistem vasitəsilə xaric olunur.

Əməliyyatdan sonra nə gözlənilir?

• Pasiyent adətən eyni gün evə buraxıla bilər.

• Sistofiks borusu yerləşdikdən sonra sidik axını müşahidə edilir, drenaj sistemində problem olub-olmadığı yoxlanılır.

• Kateter ətrafının təmizliyinə diqqət yetirilməli, infeksiya riski minimuma endirilməlidir.

• Həkim göstərişinə uyğun olaraq antibiotik profilaktikası və antiseptik qulluq təyin olunur.

• Kateterin dəyişdirilməsi və ya çıxarılması həkim tərəfindən müəyyən olunan tarixdə həyata keçirilir

Bölgədə bu prosedurun müasir standartlara uyğun şəkildə icra olunduğu nadir tibb mərkəzlərindən biri kimi, Bonum Medical komplikasiyaların qarşısını almağa yönəlmiş fərdi yanaşması ilə pasiyent məmnuniyyətini ön planda tutur.

Sidik Axarına Kateterin Qoyulması (Uretral və/və ya Ureteral Kateterizasiya)

Sidik axarına kateterin qoyulması – sidik ifrazı yollarında axının təmin olunması və ya patologiyaların diaqnostika və müalicəsi məqsədilə həyata keçirilən mühüm urologiya prosedurlarından biridir. Bu müdaxilə, həm sidik kanalına (uretra), həm də böyrəklə sidik kisəsi arasındakı borulara (ureter) tətbiq oluna bilər və tətbiq məqsədindən asılı olaraq fərqli adlar və metodlarla aparılır.

Uretral Kateterizasiya (Sidik kanalına kateterin qoyulması)

Ən geniş yayılmış forması olan uretral kateterizasiya zamanı elastik bir boru (kateter) sidik kanalından (uretra) keçərək sidik kisəsinə daxil edilir. Bu prosedur, pasiyent özbaşına sidik ifraz edə bilmədikdə, sidik kisəsinin boşaldılması lazım gəldikdə və ya bəzi cərrahi əməliyyatlardan öncə və sonra icra edilir. Prosedur zamanı sidik kanalı steril şəkildə təmizlənir və lokal anestezik gel vasitəsilə pasiyentin narahatlığı minimuma endirilir. Kateterin sidik kisəsinə çatması və sidik axınının başlaması onun düzgün yerləşdiyini göstərir. Bu prosedur həm müvəqqəti, həm də uzunmüddətli istifadə üçün aparıla bilər.

Ureteral Kateterizasiya (Sidik axarına – ureterə kateterin qoyulması)

Bu növ kateterizasiya daha ixtisaslaşmış prosedurdur və adətən endoskopik (sistoskopiya və ya uretroskopiya) nəzarətlə həyata keçirilir. Prosedur zamanı sidik kisəsindən ureterin ağızları tapılaraq xüsusi nazik kateterlər bu borucuq daxilinə yönləndirilir və böyrəyə qədər irələdilir. Bu üsul sidik axınının izlənməsi, tıxanmanın aradan qaldırılması, sidik nümunəsinin birbaşa böyrəkdən alınması və bəzi diaqnostik görüntüləmə (sistoqrafiya, pieloqrafiya) məqsədilə icra olunur. Eyni zamanda, böyrək daşı olan və ya sidik axarında şiş, infeksiya, striktura (daralma) kimi patologiyalarda tətbiq edilir.

Tətbiq Sahələri və Faydaları

• Sidik axınının təmin olunması: Xüsusilə tıxanma, daşıma və şişlər zamanı.

• Diaqnostika: Sidik yolunun daralmalarının və ya tıxanıqlığın dərəcəsini və yerini müəyyən etmək.

• Nümunə götürülməsi: Steril sidik nümunəsinin birbaşa böyrəkdən və ya ureterdən alınması.

• Cərrahi hazırlıq və nəzarət: Sidik axarlarının əməliyyat zamanı qorunması və yönləndirilməsi.

Prosedurun Gedişi və Təhlükəsizliyi

Bonum Medical klinikasında bu tip prosedurlar tam steril şəraitdə, müasir endoskopik sistemlərlə və yüksək ixtisaslı uroloq heyəti tərəfindən icra edilir. Hər bir pasiyentə fərdi yanaşılır, yaş və anatomiya nəzərə alınmaqla uyğun kateter seçilir. Prosedur ağrısız və təhlükəsizdir, lokal və ya ümumi anesteziya altında aparıla bilər. Müayinə sonrası pasiyentə qulluq və ehtiyat tədbirləri izah edilir.

Klinikamız bölgədə bu cür yüksək texnoloji və professional səviyyədə kateterizasiya xidmətini təqdim edən nadir mərkəzlərdən biridir. İnfeksiya riski minimuma endirilir, nəticələrin etibarlılığı isə maksimum səviyyədə təmin olunur.

Sidik Axarına (Ureterə) Stent Qoyulması

Sidik yollarında axının davamlılığını təmin edən minimal invaziv prosedur

Sidik yollarında (xüsusən böyrək və sidik kisəsi arasındakı ureterdə) tıxanma və ya daralma olduqda, bu patologiyanı aradan qaldırmaq üçün stent qoyulması proseduru tətbiq olunur. Ureteral stent — nazik, elastik, boru formalı bir implantdır və əsas məqsədi sidiyin böyrəkdən sidik kisəsinə sərbəst axınının davamlı şəkildə təmin olunmasıdır.

Stent Qoyulması Nədir və Niyə Tətbiq Olunur?

Stent qoyulması, sidik axarında fiziki maneənin (məsələn: daş, şiş, striktura – daralma, infeksiya, travma və ya əməliyyat sonrası ödem) yaratdığı problemləri aradan qaldırmaq üçün tətbiq edilir. Ən geniş yayılmış səbəblər bunlardır:

• Böyrək və ya sidik axarında daş

• Sidik yollarında və ya yaxın orqanlarda şiş (prostat, sidik kisəsi, bağırsaq şişləri və s.)

• Travma və ya əməliyyatdan sonrakı ödem

• Genişlənmiş limfa düyünlərinin basqısı

• Striktura (daralma)

• Böyrək funksiyasını qorumaq üçün müvəqqəti tədbir

Prosedurun Gedişi

Stentin qoyulması adətən sistoskopik üsulla, yəni sidik kanalından endoskopik olaraq girilərək həyata keçirilir. Prosedur lokal və ya ümumi anesteziya altında aparılır və aşağıdakı mərhələlərdən ibarət olur:

Hazırlıq
Pasiyentin anemnez və laborator analizləri dəyərləndirilir. Qan durulaşdırıcılar varsa, müvəqqəti dayandırılır. Sidik yollarında aktiv infeksiya varsa, əvvəlcədən müalicə edilir.

Endoskopik Yerləşdirmə
Cihaz sidik kanalından sidik kisəsinə, oradan isə ureterə (sidik axarına) doğru irəlilədilir. Stent, tıxanıqlıq olan hissəni keçəcək şəkildə yerləşdirilir. Hər iki uc spiral formasında olduğundan öz yerində sabit qalır — biri böyrək ləyənində, digəri isə sidik kisəsində yerləşir.

Prosedur sonrası
Prosedur 15–30 dəqiqə çəkə bilər. Pasiyent eyni gün və ya bir gün sonra evə buraxılır.

Stent qoyulduqdan sonra bəzi narahatlıqlar müşahidə oluna bilər:

• Sidik zamanı yanma və ya tez-tez sidiyə çıxma

• Bel və qasıq nahiyəsində yüngül ağrı

• Kiçik qan izləri

• Sidikdə bulanıqlıq

Bu simptomlar adətən keçicidir. Həkimin təyin etdiyi dərmanlarla narahatlıq minimuma endirilə bilər. Əgər yüksək hərarət, şiddətli ağrı və ya kəskin qanama olarsa, dərhal həkimə müraciət edilməlidir.

Stentin yerləşdirmə müddəti problemin səbəbindən asılı olaraq bir neçə gündən 6 aya qədər dəyişə bilər. Müddəti bitdikdən sonra stent çıxarılmalıdır, əks halda infeksiya, daş əmələ gəlməsi və ya obstruksiya riski yaranır. Çıxarılma da endoskopik yolla, çox vaxt ağrısız və qısa müddətdə həyata keçirilir.

URETEROLITOTRİPSİYA

Sidik axarındakı daşların travmasız və minimal invaziv üsulla müalicəsi

Ureterolitotripsiya — sidik axarında (ureterdə) yaranan daşların endoskopik yolla, yəni kəsiksiz şəkildə xüsusi cihazlar vasitəsilə qırılması və çıxarılması prosedurudur. Bu üsul ən müasir, effektiv və təhlükəsiz uroloji müdaxilələrdən biri sayılır. Prosedur zamanı bədənə heç bir kəsik aparılmadan, təbii sidik yolları istifadə edilərək daş aradan qaldırılır.

Sidik axarlarında daşların yığılması nəticəsində pasiyentlərdə aşağıdakı simptomlar ortaya çıxa bilər:

• Bel və ya qasıq nahiyəsində kəskin ağrılar (renal kolika)

• Sidikdə qan (hematuri)

• Tez-tez sidiyə çıxma və yanma hissi

• Sidik axınının zəifləməsi və ya tam dayanması

• İkincili infeksiya və qızdırma

Əgər daş dərman və konservativ müalicə ilə düşmürsə, böyrəyə zərər verə biləcək ölçüdədirsə və ya sidik axınına maneə yaradırsa, ureterolitotripsiya tövsiyə olunur.

Prosedurun Gedişi

Ureterolitotripsiya proseduru ümumi və ya spinal anesteziya altında, tam steril əməliyyatxana şəraitində icra olunur. Əvvəlcə sistoskopiya adlanan mərhələdə sidik kanalından sidik kisəsinə qədər endoskopik cihazla daxil olunaraq giriş əldə edilir. Daha sonra daha incə quruluşa malik ureteroskop vasitəsilə sidik kisəsindən sidik axarına doğru irəliləyərək daşın yerləşdiyi dəqiq nahiyə müəyyənləşdirilir. Daşın yerini dəqiqliklə vizual şəkildə müəyyən etdikdən sonra, lazer və ya pnevmatik dalğalı litotriptor kimi yüksək texnologiyalı cihazlar vasitəsilə daş xırda hissəciklərə parçalanır. Qırılmış parçalar xüsusi alətlərlə çıxarılır və ya bəzən təbii yolla sidiklə atılması üçün orada buraxılır. Prosedurun sonunda sidik axarının tam açıq qalmasını və toxumaların rahat sağalmasını təmin etmək məqsədilə ureterə müvəqqəti stent yerləşdirilə bilər. Bu stent sidiyin sərbəst axmasını asanlaşdırır və müalicə prosesini daha komfortlu edir.

Əməliyyatdan sonra pasiyent bir neçə saat həkim nəzarətində saxlanılır və əksər hallarda eyni gün və ya ertəsi gün evə buraxılır. Bəzi hallarda keçici olaraq sidikdə yüngül qan izi, tez-tez sidiyə getmə və ya yanma hissi müşahidə oluna bilər ki, bu hallar adətən müvəqqətidir və qısa müddətdə keçir. Əgər prosedur zamanı ureterə stent yerləşdirilibsə, onun çıxarılması üçün həkim tərəfindən 1–4 həftə sonrasına nəzarət təyin edilir. Eyni zamanda, əməliyyatdan əvvəl və sonra infeksiya risklərini minimuma endirmək üçün antibiotiklərlə profilaktika tədbirləri görülür.

Bonum Medical Klinikasında Ureterolitotripsiyanın Üstünlükləri

Bonum Medical klinikasında ureterolitotripsiya proseduru yalnız bölgədə mövcud olan ən müasir litotriptorlarla təchiz olunmuş endoskopik sistemlər vasitəsilə həyata keçirilir. Əməliyyat tamamilə kəsiksiz və qansız üsulla icra olunduğundan pasiyentlərdə sağalma prosesi sürətli və minimal ağrılı olur. Klinikamızın steril və komfortlu əməliyyatxanalarında, yüksək ixtisaslı uroloq və anestezioloqlardan ibarət peşəkar komanda ilə yanaşı, həm uşaqlar, həm də böyüklər üçün individual yanaşma təmin edilir. Bütün bu üstünlüklər sayəsində pasiyentlərimiz həm sağlamlıqlarına, həm də rahatlıqlarına qısa zamanda qovuşurlar.

Sistolitotripsiya – Sidik Kisəsi Daşlarının Qırılması Proseduru

Sistolitotripsiya – sidik kisəsində yerləşən daşların minimal invaziv, yəni kəsiksiz üsulla qırılaraq bədəndən çıxarılmasını təmin edən müasir uroloji prosedurdur. Sidik kisəsində daşların formalaşması sidik axınının pozulması, infeksiyalar və ya digər uroloji xəstəliklər səbəbindən baş verə bilər. Bu daşlar pasiyentdə ağrı, sidikdə qan, sidik ifrazında çətinlik, sidik axınının kəsilməsi kimi əlamətlərə səbəb ola bilər. Sistolitotripsiya bu narahatlıqları aradan qaldırmaq üçün effektiv və təhlükəsiz üsuldur.

Prosedurun Gedişi

Sistolitotripsiya adətən ümumi və ya spinal anesteziya altında icra olunur. Əməliyyat zamanı sistoskop adlanan nazik optik cihaz sidik kanalından daxil edilərək sidik kisəsinə çatdırılır. Cihaz vasitəsilə kisədəki daşlar vizual şəkildə izlənilir və dəqiqliklə lokalizasiya olunur. Daşların ölçüsündən və sərtliyindən asılı olaraq, xüsusi dalğalar (ultrasəs, pnevmatik və ya lazer enerjisi) ilə daşlar hissəciklərə parçalanır. Qırılmış daş hissələri ya xüsusi alətlərlə çıxarılır, ya da pasiyentin sidiyi ilə təbii yolla bədəndən xaric olunur.

Bəzi hallarda, sidik axınının tam təmin olunması və sidik kisəsinin qorunması məqsədilə əməliyyatdan sonra sidik kateteri və ya stent yerləşdirilə bilər.

Prosedurdan sonra pasiyent adətən qısa müddətli müşahidədən sonra evə buraxılır. Keçici olaraq sidikdə qan izi, yüngül yanma və ya sidiyə tez-tez getmə kimi əlamətlər ola bilər – bu hallar normal sayılır və qısa zamanda keçir. Əgər kateter və ya stent qoyulubsa, bu barədə pasiyentə qulluq və nəzarət planı ətraflı şəkildə izah olunur.

Əməliyyatdan sonra infeksiya riskini azaltmaq üçün antibiotiklər təyin edilə bilər. Həmçinin pasiyentə bol maye qəbul etməsi və müəyyən müddət fiziki istirahət etməsi tövsiyə olunur.