Katarakta (Murvari suyu) FAKO əməliyyatı

Kataraktanın ( Murvari suyu)FAKO Emulsifikasiya Üsulu ilə Ləğvi

CENTURION Silver (Alcon) cihazı ilə — Göz şəffaflığınıza qovuşun

Katarakta — göz büllurunun şəffaflığını itirməsi nəticəsində görmənin getdikcə zəifləməsinə səbəb olan ən geniş yayılmış göz xəstəliklərindən biridir. Xəstəlik əsasən yaşlanma ilə əlaqəli olsa da, travmalar, şəkərli diabet, dərmanlar (xüsusilə kortikosteroidlər) və genetik faktorlar nəticəsində də meydana çıxa bilər.

Bonum Medical klinikasında kataraktanın müalicəsi dünyada qəbul olunmuş ən müasir üsul olan FAKO Emulsifikasiya texnologiyası ilə həyata keçirilir. Əməliyyat zamanı lider texnologiyalı CENTURION Silver (Alcon, ABŞ) cihazı istifadə olunur. Bu cihaz müasir mikrocərrahiyyənin ən dəqiq və təhlükəsiz avadanlıqlarından biridir və dünyanın qabaqcıl oftalmoloji mərkəzlərində tətbiq olunur.

FAKO Emulsifikasiya üsulu nədir?

FAKO (fakoemulsifikasiya) — ultrasəs dalğaları ilə bulanmış büllurun mikroskopik hissəciklərə parçalanaraq çıxarılması və yerinə süni, şəffaf göz içi linzasının (İOL) yerləşdirilməsi üsuludur. Bu texnologiya sayəsində əməliyyat:

• Kiçik kəsiklə, tikişsiz şəkildə aparılır

• Çox az travmatik olur və göz quruluşunu maksimum qoruyur

• Tez sağalma və qısa reabilitasiya dövrü ilə nəticələnir

CENTURION Silver cihazının üstünlükləri:

• Ultrasəs enerjisini ağıllı şəkildə tənzimləyərək büllurun effektiv parçalanmasını və çıxarılmasını təmin edir

• Göz daxili təzyiqi əməliyyat boyu sabit saxlayır, bu isə əməliyyatın təhlükəsizliyini artırır

• Süni linzanın (İOL) yerləşdirilməsi daha dəqiq olur, nəticədə görmə keyfiyyəti maksimuma çatır

• Ağıllı maye idarəetmə sistemi ilə gözün anatomik sabitliyi qorunur

• Cərrah üçün yüksək nəzarət və dəqiqlik, pasiyent üçün isə maksimum komfort və minimum risk

Əməliyyat necə aparılır?

1. Lokal damcı anesteziyası ilə göz uyuşdurulur

2. Gözün buynuz qişasında 2-3 mm-lik mikrokəsik aparılır

3. CENTURION cihazı vasitəsilə bulanmış büllur ultrasəslə maye halına gətirilərək çıxarılır

4. Onun yerinə fərdi ehtiyaclara uyğun seçilmiş süni linza (İOL) yerləşdirilir

5. Kəsik öz-özünə bağlanır — tikiş tələb olunmur

Əməliyyat təxminən 10–15 dəqiqə davam edir və pasiyent eyni gün evə buraxıla bilir.

Əməliyyatdan sonra nə gözləməli?

• Görmə çox zaman ilk günlərdə bərpa olunmağa başlayır

• Həkimin təyin etdiyi göz damcıları və nəzarət müayinələri ilə bərpa prosesi izlənir

• Pasiyent qısa müddətdə iş və gündəlik həyata qayıda bilir

Niyə Bonum Medical?

• CENTURION Silver (Alcon) – dünyaca məşhur premium texnologiya

• Peşəkar, yüksək təcrübəyə malik oftalmocərrah komandası

• Fərdi linza seçimi və dəqiq əməliyyat planlaması

• Sürətli və təhlükəsiz bərpa prosesi

• Bölgədə bu texnologiyanı tətbiq edən öncül klinikalardan biri

Görmənin itməsi taleyiniz deyil – müasir texnologiya ilə onu geri qaytarmaq mümkündür.
Bonum Medical-da şəffaf baxışlara doğru ilk addımı atın!

Biomikroskoplarla birlikdə Göz Müayinə Kombaynları

Bonum Medical klinikasının Oftalmologiya bölməsi ən müasir texnologiyalara əsaslanan tam təchizatlı göz müayinə kombaynı ilə təmin olunmuşdur. Bu kombayn sisteminə TOPCON SLD model biomikroskop, avtomatik göz yoxlama cihazları, videomonitor sistemi və digər diaqnostik vasitələr daxildir. Belə kompleks yanaşma, göz sağlamlığının yüksək dəqiqliklə və pasiyent komfortu qorunaraq yoxlanmasını təmin edir.

Oftalmoloji Diaqnostikada Yüksək Dəqiqlik: TOPCON SL-D Biomikroskopu

Bonum Medical klinikasının Oftalmologiya bölməsi, göz müayinələrinin dəqiqliyini və keyfiyyətini təmin etmək məqsədilə TOPCON SL-D model biomikroskop ilə təchiz olunmuşdur. Bu cihaz, gözün ön seqmentinin yüksək dəqiqliklə müayinəsini həyata keçirmək üçün nəzərdə tutulmuş müasir, optik baxımdan gücləndirilmiş mikroskopik diaqnostik sistemdir.

TOPCON SL-D biomikroskopu vasitəsilə aşağıdakı strukturlar detallı şəkildə qiymətləndirilir:

• Konyunktiva, buynuz qişa (kornea) və sklera

• Gözün ön kamerası və büllur

• İridəki (rəngli qişa) dəyişikliklər və hərəkətlilik

• Göz içi mayesinin axını və şəffaflığı

Cihazın yüksək ayırdetmə qabiliyyəti və optik sabitliyi sayəsində ilk baxışda nəzərə çarpmayan mikroskopik dəyişikliklər belə aşkar edilir. Bu, katarakta, qlaukoma, keratit, iridosiklit, həmçinin şəkərli diabet və hipertoniya fonunda yaranan göz patologiyalarının erkən diaqnostikası üçün əvəzsizdir.

TOPCON SL-D-nin texniki üstünlükləri:

• LED işıq mənbəyi ilə parlaq və stabilliyi qorunan görüntü

• Tənzimlənən fokus və filtrlər sayəsində fərqli diaqnostik rejimlər

• Uzunmüddətli istifadəyə uyğun və pasiyent üçün maksimal komfort

Bu cihaz oftalmoloqun dəqiq və operativ qərar verməsinə, katarakta, qlaukoma, iltihabi və degenerativ dəyişikliklər və s patologiyaların erkən aşkarlanmasına, həmçinin uyğun müalicə planının vaxtında hazırlanmasına kömək edir.

Bonum Medical olaraq, oftalmoloji xidmətlərdə də müasir texnologiyalarla dəstəklənmiş, yüksək diaqnostik dəqiqliklə xidmət göstərməyi əsas prioritetlərimizdən biri hesab edirik.

Videomonitor dəstəyi ilə müayinə: Pasiyentlə şəffaf ünsiyyət

Müayinə prosesində videomonitor sistemləri vasitəsilə pasiyentlərə öz göz quruluşları, aşkarlanan dəyişikliklər və gözündə aparılan yoxlamalar vizual olaraq təqdim edilir. Bu isə pasiyentin məlumatlılığını və həkim-pasiyent əməkdaşlığını artırır.Kombaynın müasir komputer sitemi ilə əlaqələnməsi pasient informasiyasının digital qorunmasina və ötürülməsinə imkan verir.

Tam inteqrasiya olunmuş göz müayinəsi

Bonum Medical-da tətbiq olunan göz müayinə kombaynı, oftalmoloqun qısa zaman ərzində, dəqiq və kompleks qiymətləndirmə aparmasına, həmçinin uyğun müalicə və ya eynək təyinatı üzrə düzgün qərar verməsinə imkan yaradır. Bütün bu sistemlər pasiyent komfortunu maksimum dərəcədə təmin edir və müasir oftalmoloji xidmətin ən yüksək səviyyədə göstərilməsini təmin edir.

Eksimer Lazer ( Eynəkdən azad olma)

Alcon WaveLight Allegretto cihazı ilə müasir görmə korreksiyası – bölgələrdə yalnız Bonum Medical-da!

Eksimer lazer əməliyyatı, gözlərin işıq şüasını düzgün fokuslaya bilməməsi nəticəsində yaranan miopiya (uzağı zəif görmə), hipermetropiya (yaxını zəif görmə) və astiqmatizm kimi refraksiya qüsurlarının aradan qaldırılması üçün dünyada "qızıl standart" sayılan cərrahi üsuldur. Əvvəllər bu pozğunluqlar yalnız eynək və kontakt linzalarla müvəqqəti şəkildə korreksiya edilirdisə, bu gün innovativ eksimer lazer texnologiyası ilə bu qüsurlar birdəfəlik və daimi şəkildə düzəldilir.

Bonum Medical klinikasında bu əməliyyat ən müasir və yüksək dəqiqlikli ALCON WaveLight Allegretto cihazı vasitəsilə icra olunur. Bu cihaz ABŞ və Avropada aparıcı refraktiv cərrahlar tərəfindən seçilən texnologiyadır və bölgələrdə yalnız Bonum Medical klinikasında mövcuddur.

Əməliyyatdan əvvəl nə baş verir?

Əməliyyatdan öncə pasiyent tam oftalmoloji müayinədən keçirilir:

• Buynuz qişanın qalınlığı və əyriliyi xüsusi cihazlarla ölçülür

• Topoqrafiya və tomoqrafik analizlər aparılır

• Göz quruluğu və torlu qişa sağlamlığı qiymətləndirilir

• Həkim tərəfindən uyğun əməliyyat metodu (LASIK, PRK və ya TransPRK) seçilir və şəxsi lazer ablasiyası xəritəsi hazırlanır

Bu fərdi planlama sayəsində maksimal dəqiqlik və pasiyentə uyğunlaşan müalicə əldə edilir.

Əməliyyat necə aparılır?

• Lokal anesteziya (gözdə damcı şəklində uyuşdurucu) tətbiq olunur

• Buynuz qişanın ön qatında incə, mikron səviyyəsində bir flap (qapaq) yaradılır

• Flap qaldırıldıqdan sonra, ALCON lazer şüası saniyələr içində buynuz qişanın alt təbəqəsini modelləşdirir

• Lazer işığı yalnız dəqiqliklə hesablanmış nöqtələrə yönəlir – bu, həm təhlükəsizliyi, həm də nəticənin keyfiyyətini artırır

• Flap yenidən yerinə yerləşdirilir və təbii şəkildə sağalma prosesi başlayır

Bütün prosedur təxminən 10-15 dəqiqə çəkir və pasiyent eyni gün evə buraxılır.

Əməliyyatdan sonra nə baş verir?

• Görmə dərəcəsi çox zaman elə əməliyyat günündən etibarən yaxşılaşmağa başlayır

• Əksər hallarda pasiyent 1-2 gün ərzində adi həyatına qayıda bilir

• Tam bərpa müddəti bir neçə həftə ərzində tamamlanır

• Həkim tərəfindən nəzarət müayinələri və damcı müalicəsi təyin olunur

Eksimer Lazer Kimlər Üçündür?

• 18 yaşdan yuxarı və göz dərəcəsi son 1 ildə stabil qalan şəxslər

• Miopiya, hipermetropiya və astiqmatizmdən əziyyət çəkənlər

• Eynək və kontakt linzadan qurtulmaq istəyən, aktiv həyat tərzi keçirən insanlar

• Peşəsi və ya həyat tərzi eynək istifadəsini çətinləşdirən şəxslər (idmançılar, hərbçilər, aktyorlar və s.)

Niyə Bonum Medical-da Eksimer Lazer?

• ALCON WaveLight Allegretto – dünyada lazer görmə korreksiyası üzrə lider texnologiya

• Tam fərdi yanaşma və qabaqcıl ölçmə cihazları ilə dəqiq planlama

• Təcrübəli oftalmoloqlar və refraktiv cərrahlar

• Bölgədə bu texnologiyaya malik yeganə klinika

• Eynəkdən azad ol, həyat keyfiyyətini yüksəlt!

İllərlə yük kimi üzərində gəzdirdiyiniz eynəklərdən qurtulmağın vaxtıdır!
Eksimer Lazer əməliyyatı ilə daha sərbəst, aydın və rahat həyat – Bonum Medical-da mümkündür!

Auto Kerato-Refraktometriya

Auto Kerato-Refraktometriya: Görmə Dəqiqliyinin Texnoloji Ölçümü

Bonum Medical klinikasının oftalmologiya bölməsi görmə qabiliyyətinin qiymətləndirilməsi və optik korreksiya planlaması sahəsində ən müasir texnologiyalara əsaslanan TOPCON və NIDEK markalı Auto Kerato-Refraktometrlərlə təchiz olunmuşdur.

Bu cihazlar vasitəsilə gözün refraksiya pozğunluqları (miopiya, hipermetropiya, astiqmatizm) tam avtomatik, kontakt olmadan və obyektiv şəkildə müəyyən edilir.

Auto Kerato-Refraktometriyanın əsas üstünlükləri

• Refraksiya dərəcəsinin yüksək dəqiqliklə ölçülməsi:
  Göz almasının optik xüsusiyyətləri cihaz tərəfindən saniyələr içində analiz olunur. Bu, görmə zəifliyinin səbəblərinin aşkarlanmasında mühüm rol oynayır.

• Buynuz qişanın (kornea) əyrilik radiusunun təyini:
  Keratometrik analizlər kontakt linza istifadəsinə hazırlıqda və bəzi refraktiv cərrahiyyə planlamasında əvəzsiz məlumatlar verir.

• Eynək və kontakt linza üçün düzgün dərəcələrin seçilməsi:
  Cihazın verdiyi obyektiv nəticələr, optometrist və oftalmoloqlar tərəfindən subyektiv testlərlə birgə qiymətləndirilərək pasiyent üçün ən uyğun optik düzəlişin təyin edilməsinə kömək edir.

Kimlər üçün tövsiyə olunur?

• Uşaqlarda və yeniyetmələrdə görmə zəifliyi şübhəsi olduqda

• Gözündə yorğunluq, bulanıq görmə və ya baş ağrısı hiss edən şəxslərdə

• Eynəklə görmənin yaxşılaşmadığı hallarda

• Kontakt linza istifadə etməzdən əvvəl

• Gözlük reseptini yeniləmək istəyən hər kəsdə

Bonum Medical-da dəqiq və texnoloji müayinə

TOPCON və NIDEK kimi dünya səviyyəli oftalmoloji texnologiya markalarının cihazları, Bonum Medical klinikasında təcrübəli mütəxəssislərin nəzarəti altında tətbiq olunur. Yüksək həssaslıqlı sensorlar və avtomatik ölçü funksiyaları sayəsində pasiyentin iştirakı minimuma endirilir, müayinə müddəti isə sürətli və komfortlu şəkildə başa çatır.

Görmənizdə ən kiçik zəifləməni belə vaxtında aşkarlamaq üçün müasir texnologiyaya güvənin – Bonum Medical yanınızdadır.

Auto Kerato-Paximetr

Auto Kerato-Paximetr: Gözə Toxunmadan Dəqiq Ölçüm

Bonum Medical klinikasının Oftalmologiya bölməsi göz xəstəliklərinin erkən və dəqiq diaqnostikası üçün ən son texnologiyalarla təchiz olunmuş mərkəzlərdən biridir. Bölməmizdə fəaliyyət göstərən TOPCON və NİDEK Auto Kerato-Paximetri cihazları — göz daxili təzyiqin (GDT) və buynuz qişa qalınlığının (paximetriya) tam avtomatik və kontakt olmadan ölçülməsinə imkan verir.

Bu cihaz:

• Gözə toxunmadan ölçü apardığı üçün infeksiya və diskomfort riskini aradan qaldırır;

• Buynuz qişanın qalınlığını mikron səviyyəsində dəqiqliklə ölçür, bu da qlaukoma riskinin qiymətləndirilməsində mühüm rol oynayır;

• Göz daxili təzyiqi (İOP) çox qısa müddətdə və tam avtomatik şəkildə təyin edir;

• Müayinə tez, ağrısız və pasiyent üçün tam komfort şəraitində həyata keçirilir.

TOPCON Auto Kerato-Paximetri nə üçün vacibdir?

• Qlaukoma riskinin qiymətləndirilməsi və erkən diaqnostikası

• Lazer əməliyyatlarına (məsələn, Excimer Lazer) hazırlıqda buynuz qişa qalınlığının ölçülməsi

• Refraktiv cərrahiyyə sonrası təqib və nəticələrin monitorinqi

• Kontakt linza istifadəsi zamanı buynuz qişanın vəziyyətinə nəzarət

Bu cihaz, oftalmoloqlara daha doğru diaqnoz qoymaq və müalicə planını pasiyentin fərdi göz anatomiyasına əsaslanaraq hazırlamaq imkanı verir.

Niyə Bonum Medical?

Bonum Medical oftalmologiya bölməsi yalnız təcrübəli mütəxəssisləri ilə deyil, həm də yenilənmiş texnoloji avadanlıqları ilə fərqlənir. TOPCON və NİDEK Auto Kerato-Paximetri cihazları sayəsində kontakt olmadan, yüksək dəqiqliklə və saniyələr içində ölçülən nəticələr, həkiminizin qlaukoma və digər göz xəstəliklərini vaxtında aşkarlayıb effektiv şəkildə müalicə etməsinə şərait yaradır.

Göz sağlamlığınızı riskə atmayın – yüksək texnologiya və peşəkar yanaşma Bonum Medical-da bir aradadır.

Retina Əməliyyatları

Retina Əməliyyatları – Gözün ən dərin qatlarına dəqiq toxunuş

Constellation LXT CR5 & ZEISS OPMI LUMERA 700 ilə – retina cərrahiyyəsində dünya standartları artıq Bonum Medical-da!

Retina — gözün ən dərin və ən həssas qatlarından biridir. Bu qat görmə prosesinin əsas mərkəzidir və orada baş verən hər bir patoloji dəyişiklik görmənin ciddi şəkildə zəifləməsinə və ya itirilməsinə səbəb ola bilər. Müasir tibbdə retina ilə bağlı problemlər yalnız spesifik ixtisaslaşma və yüksək texnoloji avadanlıqlar vasitəsilə uğurla müalicə oluna bilir.

Bonum Medical klinikasının oftalmologiya şöbəsində retina cərrahiyyəsi dünyada qəbul olunmuş iki ən qabaqcıl texnologiya — Constellation LXT CR5 (Alcon) və ZEISS OPMI Lumera 700 mikroskopu ilə aparılır.

Retina xəstəlikləri və əməliyyata göstərişlər:

• Torlu qişanın (retinanın) qopması

• Diabetik retinopatiya və onun ağırlaşmaları

• Makula dekolmanı (mərkəzi görmənin zədələnməsi)

• Retina deşiyi və ya cırığı

• Şüşəvari cismin qanaxması və ya bulanıqlığı

• Vitreoretinal traksiyalar

• Daha öncə keçirilmiş gözdaxili əməliyyatlardan sonra ağırlaşmalar

Bu kimi hallarda vaxtında və düzgün aparılmış retina əməliyyatı görmənin qorunması və ya bərpası üçün həyati əhəmiyyət daşıyır.

Constellation LXT CR5 – Göz daxili cərrahiyyədə süper dəqiqlik

Alcon şirkətinin istehsalı olan Constellation Vision System LXT CR5 cihazı dünyada retina və vitreoretinal əməliyyatlar üçün ən güvənilən və qabaqcıl platformalardan biridir. Bu sistem:

• Yüksək sürətli vitrektomiya (şüşəvari cismin çıxarılması)

• Ağıllı təzyiq tənzimləmə və maye idarəetməsi

• Minimal invaziv və zərif toxuma manipulyasiyası

• Əməliyyat zamanı yüksək sabitlik və göz daxili struktur qorunması təmin edir.

ZEISS OPMI Lumera 700 – Retina üçün mikrocərrahiyyənin gözü

Əməliyyatın uğuru yalnız cihazla deyil, vizual nəzarətin mükəmməlliyi ilə də birbaşa bağlıdır. Məhz bu səbəbdən klinikamızda istifadə edilən ZEISS OPMI Lumera 700 mikroskopu:

• Üstün işıqlandırma və görüntü dəqiqliyi

• İncə retina toxumasının dəqiq izlənməsi və dərinlik analizi

• Cərraha yüksək səviyyədə mikronal görüntü üstünlüyü
  təmin edir.

Bu cihazlar birgə şəkildə istifadə olunduqda, ən mürəkkəb retina əməliyyatlarında belə yüksək dəqiqlik, təhlükəsizlik və effektiv nəticə əldə edilir.

Əməliyyat necə aparılır və sonrası nə gözlənilir?

• Lokal və ya ümumi anesteziya altında həyata keçirilir

• Əməliyyatın gedişatı və texnikası xəstəliyin növündən asılı olaraq fərdiləşdirilir

• Pasiyent əməliyyatdan sonra nəzarət altında saxlanılır, görmə funksiyası tədricən bərpa olunur

• Tam bərpa müddəti əməliyyatın həcmi və xəstəliyin ağırlıq dərəcəsinə görə dəyişir

Bonum Medical retina cərrahiyyəsində niyə fərqlənir?

-Retina və vitreoretinal cərrahiyyə üzrə ixtisaslaşmış cərrahlar
- Bölgədə ilk dəfə bu səviyyədə texnoloji təminat
-Yüksək riskli əməliyyatlar üçün təhlükəsiz şərait və cihaz dəstəyi
-Erkən diaqnostika, fərdi yanaşma və sonrakı müşahidə imkanı

Retina sizin görmə dünyanızın pəncərəsidir. Onu qorumaq və bərpa etmək bizim işimizdir.
Bonum Medical retina cərrahiyyəsində bölgənin aparıcı mərkəzidir!

Cross-linking (CXL) - Keratokonus əməlliyatı

Cross-linking (CXL) – Keratokonusun müasir müalicəsi

Buynuz qişanın gücləndirilməsi ilə görmənin qorunması

Keratokonus – buynuz qişanın (kornea) struktur zəifliyi və incəlməsi nəticəsində onun konusvari formada irəliyə doğru çıxması ilə xarakterizə olunan proqressiv göz xəstəliyidir. Xəstəlik zamanı buynuz qişanın optik xüsusiyyətləri pozulur, nəticədə açıq-aşkar görmə zəifliyi, işıq dağılması, astiqmatizm və bulanıq görmə meydana çıxır. Vaxtında müalicə olunmadıqda keratokonus görmə qabiliyyətinin ciddi şəkildə azalmasına və hətta korluğa qədər irəliləyə bilər.

Bonum Medical klinikasında keratokonusun müalicəsi üçün dünyada qəbul olunmuş ən effektiv üsul – Cross-linking (CXL) əməliyyatı müasir texnologiyalarla və yüksək təcrübəyə malik oftalmocərrahlar tərəfindən icra olunur.

Cross-linking — buynuz qişanı riboflavin (vitamin B2) və ultrabənövşəyi (UV) işıq vasitəsilə struktur olaraq gücləndirən, keratokonusun irəliləməsini dayandıran minimal invaziv bir prosedurdur.

Əməliyyatın məqsədi buynuz qişa kollagen lifləri arasında əlavə kimyəvi bağlar (cross-links) yaradaraq onu daha möhkəm və stabilləşmiş hala gətirməkdir.

CXL hansı hallarda tətbiq olunur?

• Keratokonus – erkən və orta mərhələlərində

• Ektaziya – lazer əməliyyatlardan sonra buynuz qişanın zəifləməsi

• Buynuz qişa incəlməsi ilə müşahidə olunan digər struktur zəifliklər

Əməliyyat xəstəliyin gedişini yavaşlatmaq və ya tamamilə dayandırmaq üçün ideal üsuldur, xüsusən də gənc yaşda aşkarlanmış hallarda.

Əməliyyat necə aparılır?

1. Göz damcıları ilə lokal anesteziya verilir

2. Buynuz qişanın üst təbəqəsi (epitel) nazik şəkildə çıxarılır (epi-off üsulu)

3. Riboflavin məhlulu gözə damızdırılır və buynuz qişa tərəfindən sorulur

4. Xüsusi cihazla UV-A işığı ilə buynuz qişa işıqlandırılır (təqribən 30 dəqiqə)

5. Bu proses buynuz qişada yeni bağların yaranmasını və onun strukturunun güclənməsini təmin edir

Əməliyyatdan sonra gözə müvəqqəti qoruyucu linza qoyulur və pasiyent 1–2 gün içərisində evə buraxılır.

Cross-linking əməliyyatının üstünlükləri:

• Keratokonusun proqressiv inkişafını effektiv şəkildə dayandırır

• Cərrahi müdaxiləyə ehtiyacı azaldır və xəstəliyin sonrakı mərhələyə keçməsinin qarşısını alır

• Təhlükəsiz, qısa müddətli və minimal riskli prosedurdur

• Gələcəkdə həyata keçiriləcək refraktiv əməliyyatlar üçün zəmin yaradır

• Əməliyyatdan sonra buynuz qişanın forması stabil qalır, görmənin sabitliyi qorunur

Unutmayın:

Keratokonus erkən mərhələdə aşkarlanarsa, müalicəsi daha effektiv olur.
Cross-linking əməliyyatı ilə görmə itkisini dayandırmaq mümkündür.
Baxışınızı erkən diaqnostika və müasir texnologiya ilə qoruyun !

Buynuz Qişanln Topoqrafiyası (Korneotopoqrafiya)

Buynuz Qişanın Topoqrafiyası (Korneotopoqrafiya)

Göz səthinin xəritələnməsi – dəqiq diaqnostik vasitə

Bonum Medical klinikasında buynuz qişanın topoqrafiyası, yəni korneotopoqrafiya müasir oftalmoloji diaqnostikanın əsas üsullarından biri kimi tətbiq olunur. Bu qeyri-invaziv müayinə metodu, gözün buynuz qişasının səthinin əyriliyini və refraktiv gücünü xəritələşdirərək struktur və funksional dəyişiklikləri dəqiq şəkildə analiz etməyə imkan verir.

Klinikamızda bu müayinə öz sahəsində ən innovativ cihaz olan SIRIUS vasitəsilə həyata keçirilir. Cihazın rəqəmsal kamera və yüksək ayırdetmə qabiliyyətli optik sistemi sayəsində buynuz qişanın mərkəz və periferik sahələrindəki dəyişikliklər real vaxtda qiymətləndirilir və rəng kodlu topoqrafik xəritə formasında təqdim olunur.

Topoqrafiya müayinəsinin əsas məqsədləri

• Kornea ektaziyalarının (məsələn, keratokonus) erkən aşkarlanması və inkişafının izlənməsi

• Refraktiv cərrahiyyə (LASIK, PRK) öncəsi struktur qiymətləndirmə

• Astiqmatizmin növünün və dərəcəsinin dəqiq təyini

• Katarakta əməliyyatı sonrası implant linzanın dəqiqliklə planlaşdırılması

• Keratoplastika (kornea transplantasiyası) öncəsi və sonrası monitorinq

• Travmadan və ya infeksiyadan sonra yaranan kornea deformasiyalarının qiymətləndirilməsi

Topoqrafik xəritələr nəyi göstərir?

Müayinə zamanı buynuz qişa səthinə konsentrik işıq halqaları yönəldilir. Geri əks olunan görüntülər rəqəmsal şəkildə analiz edilərək buynuz qişanın əyriliyi və refraktiv paylanması rəngli xəritə şəklində təqdim olunur.

• İsti rənglər (qırmızı, narıncı) – daha yüksək əyrilik və güc

• Soyuq rənglər (mavi, yaşıl) – daha düz və az refraktiv sahələr

Bu vizual xəritə eyni gözdəki mikroskopik dəyişiklikləri və ya iki göz arasındakı fərqləri müqayisə etməyə imkan verir və oftalmoloqa daha dəqiq diaqnostik qərarlar vermək imkanı yaradır.

Müayinəyə necə hazırlaşmalı?

Topoqrafiya müayinəsi sadə, ağrısız və sürətli prosedurdur. Pasiyentdən xüsusi bir hazırlıq tələb olunmur. Yeganə vacib məqam:

• Kontakt linza istifadə edən şəxslər, müayinədən ən az 10–15 gün əvvəl linzaların istifadəsinə ara verməlidirlər. Bu, buynuz qişanın təbii formasının bərpası və nəticələrin düzgün çıxması üçün vacibdir.

Niyə Bonum Medical-da Topoqrafiya?

• SIRIUS – optik topoqrafiya və ön seqment analizini birləşdirən qabaqcıl texnologiya

• Erkən diaqnostika ilə daha təhlükəsiz refraktiv və katarakta əməliyyatları

• Yüksək dəqiqlik və pasiyent mərkəzli yanaşma

• Təcrübəli oftalmoloq və optometrist heyəti

Gözünüzün səthi haqqında dəqiq məlumat – sağlam görməyə atılan ilk addımdır.

OCT (Optik Koherens Tomoqrafiyası)

OCT (Optik Koherens Tomoqrafiyası) – Gözün Yüksək Dəqiqlikli Görüntülənməsi

Bonum Medical klinikasında OCT (Optical Coherence Tomography – Optik Koherens Tomoqrafiya) müayinəsi, göz strukturlarının qat-qat və detallı şəkildə görüntülənməsi üçün tətbiq olunan ən müasir, yüksək həssaslıqlı diaqnostik üsullardan biridir. Klinikamızda bu müayinə NIDEK RS-330 modeli ilə — sahəsində lider cihazlardan biri ilə aparılır.

OCT müayinəsi nədir və nə üçün aparılır?

OCT, gözün torlu qişası (retina), optik sinir diski və ön seqmentinin (buynuz qişa, iris, büllur və ön kamera bucağı)təbəqələrinin mikroskopik dəqiqliklə və təmassız şəkildə görüntülənməsi üçün istifadə olunur. Bu texnologiya işıq dalğalarının geri əks olunmasını ölçməklə gözün daxili qatlarını üçölçülü (3D) şəkildə vizual şəkildə əks etdirir.

OCT hansı hallarda tətbiq olunur?

• Torlu qişa xəstəlikləri: diabetik retinopatiya, yaş və quru tip makula degenerasiyası, torlu qişa ödemi, tor qişa cırığı və s.

• Qlaukoma: görmə sinirinin vəziyyətinin qiymətləndirilməsi, sinir liflərinin qalınlığının ölçülməsi

• Gözün ön seqmenti: buynuz qişa qalınlığı və strukturu, büllurun vəziyyəti, ön kamera bucağı dəyərləndirilməsi

• İntraokulyar əməliyyatlardan sonra vəziyyətin monitorinqi

• Diaqnoz qoyulmuş patologiyaların dinamik izlənməsi

OCT-nin üstünlükləri

• Yüksək ayırdetmə qabiliyyəti – mikron səviyyəsində dəqiqlik

• Əlaqəsiz və ağrısız prosedur – gözə toxunmadan aparılır

• Erkən diaqnostika – digər müayinə üsulları ilə aşkarlanması mümkün olmayan mikro dəyişiklikləri müəyyən edir

• 3D görüntüləmə – patologiyanın ölçüsü, forması və yerləşməsi haqqında ətraflı məlumat verir

• İnformasiya yaddaşı və müqayisə imkanı – görüntülər yaddaşda saxlanılır və növbəti müayinələrlə müqayisə edilə bilər

Müayinə prosesi və hazırlıq

OCT müayinəsi təqribən 5–10 dəqiqə çəkir, ağrısız və tamamilə təhlükəsizdir. Prosedur üçün xüsusi hazırlıq tələb olunmur. Kontakt linza istifadə edən pasiyentlər, zərurət olduqda, müayinə zamanı linzalarını çıxarmalıdırlar

Bonum Medical-da OCT ilə dəqiq diaqnostika

Bonum Medical klinikasında tətbiq edilən NIDEK RS-330 cihazı sayəsində pasiyentlərimizə qlaukoma və torlu qişa xəstəliklərinin erkən aşkarlanması, diaqnozun obyektivləşdirilməsi və müalicəyə nəzarətin effektiv təşkili imkanı təqdim olunur.

Dəqiq diaqnostika sağlam görmənin əsas şərtidir – OCT ilə gözlərinizin dərinliklərinə baxırıq!

Çəplik əməliyatı

Çəplik (strabizm) – bir və ya hər iki gözün eyni anda eyni istiqamətə fokuslana bilməməsi vəziyyətidir. Normalda gözlər sinxron şəkildə hərəkət edərək baxış nöqtəsinə yönəlir. Ancaq çəplik zamanı bir göz hədəfə baxdığı halda, digər göz daxilə, çölə, yuxarı və ya aşağıya doğru yönələ bilər. Bu, sadəcə estetik problem deyil, beynin iki gözdən gələn görüntünü düzgün birləşdirə bilməməsi nəticəsində görmənin keyfiyyətinin pozulması, görmə zəifliyi (ambliopiya)və dərinlik hissinin itməsinə səbəb ola bilər.

Bonum Medical-da çəplik diaqnostikası və çoxistiqamətli müalicə planları müasir yanaşmalarla həyata keçirilir. Cərrahi müdaxilə tələb olunan hallarda isə uzaqgörən və yüksək dəqiqlikli əməliyyat texnikaları tətbiq olunur.

Çəpliyin səbəbləri:

• İrsi (ailəvi) meyillilik

• Doğuş travmaları və erkən doğum

• Göz əzələlərinin inkişaf qüsurları

• Miopiya, hipermetropiya, astiqmatizm kimi refraksiya qüsurları

• Sinir sistemi və beyinlə bağlı pozğunluqlar

• Travmalar və iltihabi proseslər

Əlamətlər:

• Gözlərin paralel olmaması

• Uşaqlarda baxışın qeyri-mərkəzləşməsi

• İkiqat görmə (diplopiya)

• Başın bir tərəfə əyilərək baxılması

• Dərinlik hissinin itməsi

• Görmə zəifliyi və ya ambliopiya (tənbəl göz)

Bonum Medical-da Çəplik əməliyyatı necə aparılır?

-Əvvəlcə hərtərəfli oftalmoloji və ortoptik müayinə, o cümlədən göz əzələlərinin funksional qiymətləndirilməsi
- Əməliyyat lokal və ya ümumi anesteziya altında həyata keçirilir (xüsusilə uşaqlarda ümumi anesteziya üstünlük təşkil edir)
- Göz almasını hərəkət etdirən əzələlər üzərində gücləndirmə və zəiflətmə prinsipi ilə balans bərpa olunur
-Əməliyyat minimal invaziv texnikalarla icra edilir
-Gözə kosmetik tikişlər qoyulur, sorulan materiallardan istifadə edilir
-Əməliyyatdan sonra 1–2 günə evə buraxılma, 1 həftəyə isə normal həyata dönüş

Əməliyyatın məqsədi və üstünlükləri:

• Gözlərin paralel baxış xəttinə gətirilməsi

• Görmənin keyfiyyətinin və dərinlik hissinin bərpası

• Estetik görünüşün düzəldilməsi, sosial və psixoloji təsirlərin azaldılması

• Uşaqlarda tənbəl gözün qarşısının alınması və ya müalicəsi

• Əməliyyat sonrası çox yüksək pasiyent məmnuniyyəti

Çəplik yalnız estetik məsələ deyil, görmənin inkişafına və həyat keyfiyyətinə təsir edən mühüm bir haldır.
Uşağınızda və ya özünüzdə baxış istiqaməti uyğunsuzluğu, ikiqat görmə və ya tənbəl göz əlamətləri müşahidə edirsinizsə, vaxtında mütəxəssisə müraciət edin.

Bonum Medical-da baxışlarınız düzgün, gələcəyiniz aydın olacaq!