Klinikamızda EKQ Müayinəsinin Xüsusiyyətləri

Bonum Medical Klinikası bu sahədə ən son texnologiyalarla təchiz olunmuşdur. Klinikamızda istifadə olunan 12 kanallı müasir EKQ sistemi, ürəyin müxtəlif hissələrindən gələn elektrik impulslarını dəqiq şəkildə qeydə alaraq daha geniş və detallı diaqnostik imkanlar yaradır. Bu cihaz:

• Miokard infarktı (ürək əzələsi zədələnməsi)

• Aritmiyalar (ritm pozuntuları)

• Qan dövranı çatışmazlığı

• Hipertrofiya və ya dilatasiya (ürək əzələsinin qalınlaşması və ya genişlənməsi)

• Klapan problemləri kimi bir çox ciddi ürək-damar patologiyalarının vaxtında aşkarlanmasına şərait yaradır.

Prosedurun Gedişi

EKQ proseduru son dərəcə sadə və təhlükəsizdir. Pasiyent çarpayıya uzanır və sinə, qollar və ayaqlara elektrodlaryerləşdirilir. Bu elektrodlar ürəyin elektrik impulslarını qeyd edərək cihaz vasitəsilə kağız və ya rəqəmsal formada görüntü yaradır. Bütün müayinə 3–5 dəqiqə ərzində tamamlanır və dərhal nəticə əldə olunur.

Niyə EKQ Müayinəsi Vacibdir?

EKQ, bəzən heç bir simptom verməyən, lakin həyati təhlükə yarada biləcək ürək xəstəliklərinin erkən aşkarlanmasında mühüm rol oynayır. Xüsusilə aşağıdakı hallarda EKQ müayinəsi tövsiyə olunur:

• Döş qəfəsində ağrı və ya sıxılma hissi

• Sürətli və ya qeyri-normal ürək döyüntüsü

• Başgicəllənmə və ya bayılma epizodları

• Qan təzyiqi problemləri

• Ürək xəstəliklərinə genetik meyillilik

Əgər siz də ürək ritminizdə narahatlıq hiss edirsinizsə və ya sadəcə profilaktik məqsədlə ürək fəaliyyətinizi yoxlatmaq istəyirsinizsə, Bonum Medical Klinikasının EKQ müayinəsi sizin üçün ideal seçimdir. Sağlam ürək – sağlam həyat deməkdir!

Exokardioqrafiya (EKO) – ürəyin strukturlarını, funksiyasını və qan axınını ultrasəs dalğaları vasitəsilə qiymətləndirən müasir və tam təhlükəsiz bir diaqnostik üsuldur. Bu müayinə ilə ürək əzələsi, klapanlar, boşluqlar, perikard boşluğu və damarlar real zamanlı olaraq görüntülənir.

Klinikamızda Exokardioqrafiya Müayinəsinin Xüsusiyyətləri

Bonum Medical klinikasında Exokardioqrafiya Vivid E9 və Vivid E7 kimi bu sahədə dünyaca tanınmış GE Healthcare brendinin ən yüksək model cihazları ilə həyata keçirilir. Bu cihazlar vasitəsilə əldə olunan yüksək keyfiyyətli 2D və 3D görüntülər, diaqnozun daha dəqiq qoyulmasına imkan verir.

Cihazlarımız:

• Yüksək rezolyusiyalı və dərinlikli görüntüləmə

• Rəngli və spektral doppler funksiyası ilə qan axınının qiymətləndirilməsi

• Hərəkətli strukturların izlənməsi və ürək klapanlarının funksional analizi

• Ağciyər arteriyası, aorta və perikard boşluğunun detallı görüntülənməsi kimi üstünlüklərə malikdir.

Exokardioqrafiya Nə Zaman Təyin Olunur?

EKO müayinəsi bir sıra hallarda həkimlər tərəfindən tövsiyə olunur:

• Ürək çatışmazlığı və ya ürək ritmi pozğunluğu şübhəsi olduqda

• Klapan xəstəliklərinin diaqnostikasında

• Miokard infarktından sonra ürək funksiyasının dəyərləndirilməsində

• Hipertoniya və ya xroniki ağciyər xəstəliklərinin ürəyə təsirini qiymətləndirmək üçün

• Perikard boşluğunda maye yığılması və ya ürəkdə doğuşdan gəlmə qüsurların araşdırılmasında

Uşaqlarda Exokardioqrafiya

Uşaqlarda Exokardioqrafiya müayinəsi doğuşdan gəlmə ürək qüsurlarının və digər kardioloji problemlərin erkən aşkarlanması baxımından xüsusi əhəmiyyət daşıyır. Bonum Medical klinikasında bu müayinə uşaq anatomiyasına uyğun problar ,yüksək çözünürlüklü cihazlar və uşaq kardiologiyası üzrə təcrübəli mütəxəssislər tərəfindən icra olunur. Müayinə zamanı uşağın rahatlığı və qorxusuz şəraiti təmin edilir, nəticələr isə valideynlərə ətraflı və aydın şəkildə izah olunur.

Müayinə Necə İcra Olunur?

Prosedur adətən çarpayıda uzanmış vəziyyətdə aparılır. Sinə nahiyəsinə gel çəkilərək, xüsusi problarla görüntülər alınır. Müayinə tamamilə ağrısız və təhlükəsizdir, radiasiya istifadə olunmur. Prosedur təxminən 15–30 dəqiqə davam edir.

Əgər sizdə ürəkdən narahatlıqlar, təngnəfəslik, sinə ağrısı, ya da sadəcə profilaktik qiymətləndirmə ehtiyacı varsa, Bonum Medical Klinikasında Exokardioqrafiya müayinəsi sizin üçün düzgün addımdır. Biz sizə sağlam ürək üçün dəqiq diaqnostika və peşəkar yanaşma təqdim edirik.

Holter monitorinqi – ürək fəaliyyətinin 24 saat və ya daha uzun müddət ərzində fasiləsiz şəkildə izlənilməsi üçün istifadə olunan qeyri-invaziv diaqnostik üsuldur. Bu müayinə qısa müddətli EKG ilə aşkarlana bilməyən ritm pozuntularını, taxikardiya və bradikardiyaları, ötürülmə bloklarını və ürək atım sürətindəki qeyri-sabitliyi daha dəqiq müəyyən etməyə imkan verir.

Necə Tətbiq Olunur?

Prosedur zamanı pasiyentin sinəsinə bir neçə elektrod yapışdırılır və bu elektrodlar vasitəsilə ürək siqnalları kiçik bir cihazda qeyd olunur. Bu cihaz pasiyentin belinə və ya boynuna taxılır və o, adi həyat tərzini davam etdirir. Əlavə olaraq, pasiyentə xüsusi qeyd dəftəri verilir – burada müayinə müddətində hiss etdiyi ürək döyüntüsü, başgicəllənmə, sinə ağrısı və digər narahatlıqlar qeyd olunur.

Hansı Hallarda Təyin Olunur?

• Davamlı və səbəbi bilinməyən ürək döyüntüsü (aritmiya)

• Gecə və ya istirahət zamanı baş verən taxikardiyalar

• Əsəbilik, yorğunluqla müşayiət olunan sinə ağrıları

• Bayılma (sinkop) və başgicəllənmələr

• Qısa müddətli EKG-də görünməyən ritm pozuntularının aşkarlanması

• Quraşdırılmış kardiostimulyator və ya defibrilyatorun fəaliyyətinə nəzarət

Klinikamızda Holter Monitorinqinin Üstünlükləri

Bonum Medical klinikasında Holter monitorinqi müasir və çoxkanallı cihazlar, steril və komfortlu şərait, eləcə də təcrübəli kardioloqların nəzarəti altında həyata keçirilir. Monitorinq nəticələri xüsusi proqram vasitəsilə analiz olunur və kardioloq tərəfindən təhlil edilərək pasiyentə ətraflı izah edilir. Bu, həm risklərin vaxtında aşkarlanması, həm də düzgün müalicə planının qurulması baxımından böyük önəm daşıyır.

Holter monitorinqi sayəsində ürəyinizin ritmini gündəlik həyatınızın axarı içində izləmək mümkündür – bu isə sağlamlığınız üçün daha güvənli və aydın bir yol deməkdir.

Stress testi, ürək-damar sisteminin fiziki yüklənməyə necə reaksiya verdiyini müəyyən etmək üçün istifadə olunan mühüm diaqnostik üsuldur. Bu müayinə zamanı ürəyin qan dövranı, ritmi və funksional imkanları fiziki fəaliyyət (adətən treadmill yürüşü və ya velosiped sürmə) zamanı müşahidə edilir.

Bu test qısamüddətli istirahət zamanı aşkar edilməyən, amma fiziki yüklənmə zamanı üzə çıxan problemlərin (koronar çatışmazlıq, ritm pozuntuları və s.) diaqnozu üçün əvəzolunmazdır.

Necə İcra Olunur?

Stress test zamanı pasiyentə əvvəlcə istirahət halında EKG çəkilir. Daha sonra o, treadmill üzərində addım-addım artan tempdə yeriməyə başlayır. Bu müddətdə:

• Ürək döyüntüsü və ritmi

• Qan təzyiqi

• Tənəffüs sürəti

• EKG nəticələri real zamanlı izlənilir.

Əgər pasiyent hər hansı narahatlıq hiss edərsə (sinə ağrısı, təngnəfəslik, başgicəllənmə və s.), test dərhal dayandırılır.

Hansı Hallarda Təyin Olunur?

• Gəzmək və ya pilləkən çıxmaqla müşayiət olunan sinə ağrısı (angina)

• Koronar arteriya xəstəliyinin diaqnostikası

• Ürək ritmində pozğunluq ehtimalı

• Daha əvvəl keçirilmiş infarktdan sonra ürək funksiyasının qiymətləndirilməsi

• Müalicə və ya cərrahi müdaxilənin effektivliyinin təqibi

• İdmanla məşğul olan şəxslərin ürək sağlamlığının yoxlanması

Klinikamızda Stress Testin Üstünlükləri

Bonum Medical klinikasında stress test müasir, etibarlı treadmill və monitorinq sistemləri, 12-kanallı EKG izləmə cihazları, və təcrübəli kardioloqlar tərəfindən icra olunur. Prosedur zamanı təhlükəsizlik yüksək səviyyədə təmin edilir və pasiyentin vəziyyəti real zamanlı nəzarət altında saxlanılır.

Bu test, ürəyinizin gündəlik və yüklənmə vəziyyətində necə çalışdığını daha yaxından tanımaq və mümkün problemləri erkən mərhələdə müəyyən etmək üçün ən effektiv yollardan biridir.